UtshovDoha 112
112.1
Chaupai
पुनि प्रभु कहहु सो तत्व बखानी। जेहिं बिग्यान मगन मुनि ग्यानी।।
भगति ग्यान बिग्यान बिरागा। पुनि सब बरनहु सहित बिभागा।।
औरउ राम रहस्य अनेका। कहहु नाथ अति बिमल बिबेका।।
जो प्रभु मैं पूछा नहि होई। सोउ दयाल राखहु जनि गोई।।
तुम्ह त्रिभुवन गुर बेद बखाना। आन जीव पाँवर का जाना।।
प्रस्न उमा कै सहज सुहाई। छल बिहीन सुनि सिव मन भाई।।
हर हियँ रामचरित सब आए। प्रेम पुलक लोचन जल छाए।।
श्रीरघुनाथ रूप उर आवा। परमानंद अमित सुख पावा।।
Puni prabhu kahahu so tatva bakhani, jehin bigyan magan muni gyani
Bhagati gyan bigyan biraga, puni sab baranahu sahit bibhaga
Aurau ram rahasya aneka, kahahu nath ati bimal bibeka
Jo prabhu main puchha nahi hoi, sou dayal rakhahu jani goi
Tumha tribhuvan gur bed bakhana, an jiv panvar ka jana
Prasna uma kai sahaj suhai, chhal bihin suni siv man bhai
Har hiyam ramacharit sab ae, prem pulak lochan jal chhae
Shriraghunath rup ur ava, paramanand amit sukh pava
112.2
Doha/soratha
मगन ध्यानरस दंड जुग पुनि मन बाहेर कीन्ह।
रघुपति चरित महेस तब हरषित बरनै लीन्ह ॥111॥
Magan dhyanaras dand jug puni man baher kinha
Raghupati charit mahes tab harashit baranai linha