Sukta 9

9.1

Svastida pusha, 1-4 uparibabhravah, pusha, trishtup, 3 tripada arshi gayatri, 4 anushtup

प्रप॑थे प॒थाम॑जनिष्ट पू॒षा प्रप॑थे दि॒वः प्रप॑थे पृथि॒व्याः ।
उ॒भे अ॒भि प्रि॒यत॑मे स॒धस्थे॒ आ च॒ परा॑ च चरति प्रजा॒नन् ॥१॥

Prapathe pathamajanishta pusha prapathe divah prapathe prithivyah
Ubhe abhi priyatame sadhasthe a cha para cha charati prajanan

पू॒षेमा आशा॒ अनु॑ वेद॒ सर्वाः॑ सो अ॒स्माँ अभ॑यतमेन नेषत्।
स्व॒स्ति॒दा आघृ॑णिः॒ सर्व॑वी॒रोऽप्र॑युच्छन् पु॒र ए॑तु प्रजा॒नन् ॥२॥

Pushema asha anu veda sarvah so asmam abhayatamena neshat
Svastida aghrinih sarvaviroprayuchchhan pura etu prajanan

पूष॒न्तव॑ व्र॒ते व॒यं न रि॑ष्येम क॒दा च॒न।
स्तो॒तार॑स्त इ॒ह स्म॑सि ॥३॥

Pushantava vrate vayam na rishyema kada chana
Stotarasta iha smasi

परि॑ पू॒षा प॒रस्ता॒द्धस्तं॑ दधातु॒ दक्षि॑णम्।
पुन॑र्नो न॒ष्टमाज॑तु॒ सं न॒ष्टेन॑ गमेमहि ॥४॥

Pari pusha parastaddhastam dadhatu dakshinam
Punarno nashtamajatu sam nashtena gamemahi