Sukta 46

46.1

Sinivali, 1-3 atharva, sinivali, anushtup, 3 trishtup

सिनी॑वालि॒ पृथु॑ष्टुके॒ या दे॒वाना॒मसि॒ स्वसा॑ ।
जु॒षस्व॑ ह॒व्यमाहु॑तं प्र॒जां दे॑वि दिदिड्ढि नः ॥१॥

Sinivali prithushtuke ya devanamasi svasa
Jushasva havyamahutam prajam devi dididdhi nah

या सु॑बा॒हुः स्व॑ङ्गु॒रिः सु॒षूमा॑ बहु॒सूव॑री ।
तस्यै॑ वि॒श्पत्न्यै॑ ह॒विः सि॑नीवा॒ल्यै जु॑होतन ॥२॥

Ya subahuh svangurih sushuma bahusuvari
Tasyai vishpatnyai havih sinivalyai juhotana

या वि॒श्पत्नीन्द्र॒मसि॑ प्र॒तीची॑ स॒हस्र॑स्तुकाभि॒यन्ती॑ दे॒वी।
विष्णोः॑ पत्नि॒ तुभ्यं॑ रा॒ता ह॒वींषि॒ पतिं॑ देवि॒ राध॑से चोदयस्व ॥३॥

Ya vishpatnindramasi pratichi sahasrastukabhiyanti devi
Vishnoh patni tubhyam rata havinshi patim devi radhase chodayasva