Sukta 1

1.1

Atma, 1-2 atharva (brahmavarchasakamah), atma, trishtup, 2 virad jagati

धी॒ती वा॒ ये अन॑यन् वा॒चो अग्रं॒ मन॑सा वा॒ येऽव॑दन्नृ॒ तानि॑ ।
तृ॒तीये॑न॒ ब्रह्म॑णा वावृ॒धा॒नास्तु॒रीये॑णामन्वत॒ नाम॑ धे॒नोः ॥१॥

Dhiti va ye anayan vacho agram manasa va yevadannri tani
Tritiyena brahmana vavridhanasturiyenamanvata nama dhenoh

1.2

स वे॑द पु॒त्रः पि॒तरं॒ स मा॒तरं॒ स सू॒नुर्भु॑व॒त् स भु॑व॒त् पुन॑र्मघः ।
स द्यामौ॑र्णोद॒न्तरि॑क्षं॒ स्वः॑१ स इ॒दं विश्व॑मभवत् स आभ॑वत् ॥२॥

Sa veda putrah pitaram sa mataram sa sunurbhuvat sa bhuvat punarmaghah
Sa dyamaurnodantariksham svah1 sa idam vishvamabhavat sa abhavat