Sukta 78

78.1

Dampatyo rayipraptaye prarthana, 1-3 atharva, 1-2 chandramah, 3 tvashta, anushtup

तेन॑ भू॒तेन॑ ह॒विषा॒यमा प्या॑यतां॑ पुनः॑ ।
जा॒यां याम॑स्मा॒ आवा॑क्षु॒स्तां रसे॑ना॒भि व॑र्धताम् ॥१॥

Tena bhutena havishayama pyayatam punah
Jayam yamasma avakshustam rasenabhi vardhatam

78.2

अ॒भि व॑र्धतां॒ पय॑सा॒भि रा॒ष्ट्रेण॑ वर्धताम्।
र॒य्या स॒हस्र॑वर्चसे॒मौ स्तामनु॑पक्षितौ ॥२॥

Abhi vardhatam payasabhi rashtrena vardhatam
Rayya sahasravarchasemau stamanupakshitau

78.3

त्वष्टा॑ जा॒याम॑जनय॒त् त्वष्टा॑स्यै॒ त्वां पति॑म्।
त्वष्टा॑ स॒हस्र॒मायूं॑षि दी॒र्घमायुः॑ कृणोतु वाम् ॥३॥

Tvashta jayamajanayat tvashtasyai tvam patim
Tvashta sahasramayunshi dirghamayuh krinotu vam