Sukta 76

76.1

Ayushyam, 1-4 kabandhah, santapanagnih, anushtup, 3 kakummati

य ए॑नं परि॒षीद॑न्ति समा॒दध॑ति॒ चक्ष॑से ।
सं॒प्रेद्धो॑ अ॒ग्निर्जि॒ह्वाभि॒रुदे॑तु॒ हृद॑या॒दधि॑ ॥१॥

Ya enam parishidanti samadadhati chakshase
Sampreddho agnirjihvabhirudetu hridayadadhi

अ॒ग्नेः सा॑न्तप॒नस्या॒हमायु॑षे प॒दमा र॑भे ।
अ॒द्धा॒तिर्यस्य॒ पश्य॑ति धू॒ममु॒द्यन्त॑मास्य॒तः ॥२॥

Agneh santapanasyahamayushe padama rabhe
Addhatiryasya pashyati dhumamudyantamasyatah

यो अ॑स्य स॒मिधं॒ वेद॑ क्ष॒त्रिये॑ण स॒माहि॑ताम्।
नाभि॑ह्वा॒रे प॒दं नि द॑धाति॒ स मृ॒त्यवे॑ ॥३॥

Yo asya samidham veda kshatriyena samahitam
Nabhihvare padam ni dadhati sa mrityave

नैनं घ्नन्ति पर्या॒यिणो॒ न स॒न्नाँ अव॑ गच्छति ।
अ॒ग्नेर्यः क्ष॒त्रियो॑ वि॒द्वान् नाम॑ गृ॒ह्णात्यायु॑षे ॥४॥

Nainam ghnanti paryayino na sannam ava gachchhati
Agneryah kshatriyo vidvan nama grihnatyayushe