Sukta 68

68.1

Vapanam, 1-3 atharva, 1 savita, adityah, rudrah, vasavah, 2 aditih, apah, prajapatih, 3 savita, somah, varunah, 1 puroviradatishakvaragarbha chatushpada jagati, 2 anushtup, 3 atijagatigarbha trishtup

आयम॑गन्त्सवि॒ता क्षु॒रेणो॒ष्णेन॑ वाय उद॒केनेहि॑ ।
आ॒दि॒त्या रु॒द्रा वस॑व उन्दन्तु॒ सचे॑तसः॒ सोम॑स्य॒ राज्ञो॑ वपत॒ प्रचे॑तसः ॥१॥

Ayamagantsavita kshurenoshnena vaya udakenehi
Aditya rudra vasava undantu sachetasah somasya ragyo vapata prachetasah

68.2

अदि॑तिः॒ श्मश्रु॑ वप॒त्वाप॑ उन्दन्तु॒ वर्च॑सा ।
चिकि॑त्सतु प्र॒जाप॑तिर्दीर्घायु॒त्वाय॒ चक्ष॑से ॥२॥

Aditih shmashru vapatvapa undantu varchasa
Chikitsatu prajapatirdirghayutvaya chakshase

68.3

येनाव॑पत् सवि॒ता क्षु॒रेण॒ सोम॑स्य॒ राज्ञो॒ वरु॑णस्य वि॒द्वान्।
तेन॑ ब्रह्माणो वपते॒दम॒स्य गोमा॒नश्व॑वान॒यम॑स्तु प्र॒जावा॑न् ॥३॥

Yenavapat savita kshurena somasya ragyo varunasya vidvan
Tena brahmano vapatedamasya gomanashvavanayamastu prajavan