Sukta 38

38.1

Varchasyam, 1-4 atharva (varchaskamah), tvishih, (brihaspatih), trishtup

सिं॒हे व्या॒घ्र उ॒त या पृदा॑कौ॒ त्विषि॑र॒ग्नौ ब्रा॑ह्म॒णे सूर्ये॒ या।
इन्द्रं॒ या दे॒वी सु॒भगा॑ ज॒जान॒ सा न॒ ऐतु॒ वर्च॑सा संविदा॒ना ॥१॥

Sinhe vyaghra uta ya pridakau tvishiragnau brahmane surye ya
Indram ya devi subhaga jajana sa na aitu varchasa sanvidana

या ह॒स्तिनि॑ द्वी॒पिनि॒ या हिर॑ण्ये॒ त्विषि॑र॒प्सु गोषु॒ या पुरु॑षेषु ।
इन्द्रं॒ या दे॒वी सु॒भगा॑ ज॒जान॒ सा न॒ ऐतु॒ वर्च॑सा संविदा॒ना ॥२॥

Ya hastini dvipini ya hiranye tvishirapsu goshu ya purusheshu
Indram ya devi subhaga jajana sa na aitu varchasa sanvidana

रथे॑ अ॒क्षेष्वृ॑ष॒भस्य॒ वाजे॒ वाते॑ प॒र्जन्ये॒ वरु॑णस्य॒ शुष्मे॑ ।
इन्द्रं॒ या दे॒वी सु॒भगा॑ ज॒जान॒ सा न॒ ऐतु॒ वर्च॑सा संविदा॒ना ॥३॥

Rathe aksheshvrishabhasya vaje vate parjanye varunasya shushme
Indram ya devi subhaga jajana sa na aitu varchasa sanvidana

रा॒ज॒न्येऽदुन्दु॒भावाय॑ताया॒मश्व॑स्य॒ वाजे॒ पुरु॑षस्य मा॒यौ।
इन्द्रं॒ या दे॒वी सु॒भगा॑ ज॒जान॒ सा न॒ ऐतु॒ वर्च॑सा संविदा॒ना ॥४॥

Rajanyedundubhavayatayamashvasya vaje purushasya mayau
Indram ya devi subhaga jajana sa na aitu varchasa sanvidana