Sukta 30

30.1

Papashamanam, 1-3 uparibabhravah, shami, jagati, 2 trishtup, 3 chatushpachchhankumatyanushtup

दे॒वा इ॒मं मधु॑ना॒ संयु॑तं॒ यवं॒ सर॑स्वत्या॒मधि॑ म॒णाव॑चर्कृषुः ।
इन्द्र॑ आसी॒त् सीर॑पतिः श॒तक्र॑तुः की॒नाशा॑ आसन् म॒रुतः॑ सु॒दान॑वः ॥१॥

Deva imam madhuna sanyutam yavam sarasvatyamadhi manavacharkrishuh
Indra asit sirapatih shatakratuh kinasha asan marutah sudanavah

यस्ते॒ मदो॑ऽवके॒शो वि॑के॒शो येना॑भि॒हस्यं॒ पुरु॑षं कृ॒णोषि॑ ।
आ॒रात् त्वद॒न्या वना॑नि वृक्षि॒ त्वं श॑मि श॒तव॑ल्शा॒ वि रो॑ह ॥२॥

Yaste madovakesho vikesho yenabhihasyam purusham krinoshi
Arat tvadanya vanani vrikshi tvam shami shatavalsha vi roha

बृह॑त्पलाशे॒ सुभ॑गे॒ वर्ष॑वृद्ध॒ ऋता॑वरि ।
मा॒तेव॑ पु॒त्रेभ्यो॑ मृड॒ केशे॑भ्यः शमि ॥३॥

Brihatpalashe subhage varshavriddha ritavari
Mateva putrebhyo mrida keshebhyah shami