Sukta 135

135.1

Balapraptih, 1-3 shukrah, vajrah, anushtup

यद॒श्नामि॒ बलं॑ कुर्व इ॒त्थं वज्र॒मा द॑दे ।
स्क॒न्धान॒मुष्य॑ शा॒तय॑न् वृ॒त्रस्ये॑व॒ शची॒पतिः॑ ॥१॥

Yadashnami balam kurva ittham vajrama dade
Skandhanamushya shatayan vritrasyeva shachipatih

135.2

यत् पिबा॑मि॒ सं पि॑बामि समु॒द्र इ॑व संपि॒बः ।
प्रा॒णान॒मुष्य॑ सं॒पाय॒ सं पि॑बामो अ॒मुं व॒यम् ॥२॥

Yat pibami sam pibami samudra iva sampibah
Prananamushya sampaya sam pibamo amum vayam

135.3

यद् गिरा॑मि॒ सं गि॑रामि समु॒द्र इ॑व संगि॒रः ।
प्रा॒णान॒मुष्य॑ सं॒गीर्य॒ सं गि॑रामो अ॒मुं व॒यम् ॥३॥

Yad girami sam girami samudra iva sangirah
Prananamushya sangirya sam giramo amum vayam