Sukta 126

126.1

Dundubhih, 1-3 atharva, dundubhih, bhurik trishtup, 3 purobrihatigarbha trishtup

उप॑ श्वासय पृथि॒वीमु॒त द्यां पु॑रु॒त्रा ते॑ वन्वतां॒ विष्ठि॑तं जग॑त्।
स दु॑न्दुभे स॒जूरिन्द्रे॑ण दे॒वैर्दू॒राद् दवी॑यो॒ अप॑ सेध॒ शत्रू॑न् ॥१॥

Upa shvasaya prithivimuta dyam purutra te vanvatam vishthitam jagat
Sa dundubhe sajurindrena devairdurad daviyo apa sedha shatrun

आ क्र॑न्दय॒ बल॒मोजो॑ न॒ आ धा॑ अ॒भि ष्ट॑न दुरि॒ता बाध॑मानः ।
अप॑ सेध दुन्दुभे दु॒च्छुना॑मि॒त इन्द्र॑स्य मु॒ष्टिर॑सि वी॒डय॑स्व ॥२॥

A krandaya balamojo na a dha abhi shtana durita badhamanah
Apa sedha dundubhe duchchhunamita indrasya mushtirasi vidayasva

प्रामूं ज॑या॒भी॒३मे ज॑यन्तु केतु॒मद् दु॑न्दुभिर्वा॑वदीतु ।
समश्व॑पर्णाः पतन्तु नो॒ नरो॒ऽस्माक॑मिन्द्र र॒थिनो॑ जयन्तु ॥३॥

Pramum jayabhi3me jayantu ketumad dundubhirvavaditu
Samashvaparnah patantu no narosmakamindra rathino jayantu