Sukta 27

27.1

Agnih, 1-12 brahma, agnih, 1 brihatigarbha trishtup, 2 dvipada samni bhuriganushtup, 3 dvipadarchi brihati, 4 dvipada samni bhurigbrihati, 5 dvipada samni trishtup, 6 dvipada virannama gayatri, 7 dvipada samni brihati, 7 sanstarapanktih, 9 shat-padanushtubgarbha paratijagati, 10-12 puraushnik (2-7 ekavasana)

ऊ॒र्ध्वा अ॑स्य स॒मिधो॑ भवन्त्यू॒र्ध्वा शु॒क्रा शो॒चीष्य॒ग्नेः ।
द्यु॒मत्त॑मा सु॒प्रती॑कः॒ ससू॑नु॒स्तनू॒नपा॒दसु॑रो॒ भूरि॑पाणिः ॥१॥

Urdhva asya samidho bhavantyurdhva shukra shochishyagneh
Dyumattama supratikah sasunustanunapadasuro bhuripanih

27.2

दे॒वो दे॒वेषु॑ दे॒वः प॒थो अ॑नक्ति॒ मध्वा॑ घृ॒तेन॑ ॥२॥

Devo deveshu devah patho anakti madhva ghritena

27.3

मध्वा॑ य॒ज्ञं न॑क्षति प्रैणा॒नो नरा॒शंसो॑ अ॒ग्निः सु॒कृद् दे॒वः स॑वि॒ता वि॒श्ववा॑रः ॥३॥

Madhva yagyam nakshati prainano narashanso agnih sukrid devah savita vishvavarah

27.4

अछा॒यमे॑ति॒ शव॑सा घृ॒ता चि॒दीडा॑नो॒ वह्नि॒र्नम॑सा ॥४॥

Achhayameti shavasa ghrita chididano vahnirnamasa

27.5

अ॒ग्निः स्रुचो॑ अध्व॒रेषु॑ प्र॒यक्षु॒ स य॑क्षदस्य महि॒मान॑म॒ग्नेः ॥५॥

Agnih srucho adhvareshu prayakshu sa yakshadasya mahimanamagneh

27.6

त॒री म॒न्द्रासु॑ प्र॒यक्षु॒ वस॑व॒श्चाति॑ष्ठन् वसु॒धात॑रश्च ॥६॥

Tari mandrasu prayakshu vasavashchatishthan vasudhatarashcha

27.7

द्वारो॑ दे॒वीरन्व॑स्य॒ विश्वे॑ व्र॒तं र॑क्षन्ति वि॒श्वहा॑ ॥७॥

Dvaro deviranvasya vishve vratam rakshanti vishvaha

27.8

उ॒रु॒व्यच॑सा॒ऽग्नेर्धाम्ना॒ पत्य॑माने ।
आ सु॒ष्वय॑न्ती यज॒ते उ॒पाके॑ उ॒षासा॒नक्ते॒मं य॒ज्ञम॑वतामध्व॒रं नः। ॥८॥

Uruvyachasagnerdhamna patyamane
A sushvayanti yajate upake ushasanaktemam yagyamavatamadhvaram nah

27.9

दैवा॒ होता॑र ऊ॒र्ध्वम॑ध्व॒रं नो॒ऽग्नेर्जि॒ह्वया॒भि गृ॑णत गृ॒नता॑ नः॒ स्विऽष्टये ।
ति॒स्रो दे॒वीर्ब॒र्हिरेदं स॑दन्ता॒मिडा॒ सर॑स्वती म॒ही भार॑ती गृणा॒ना॑ ॥९॥

Daiva hotara urdhvamadhvaram nognerjihvayabhi grinata grinata nah svishtaye
Tisro devirbarhiredam sadantamida sarasvati mahi bharati grinana

27.10

तन्न॑स्तु॒रीप॒मद्भु॑तं पुरु॒क्षु।
देव॑ त्वष्टा रा॒यस्पोषं॒ वि ष्य॒ नाभि॑म॒स्य ॥१०॥

Tannasturipamadbhutam purukshu
Deva tvashta rayasposham vi shya nabhimasya

27.11

वन॑स्प॒तेऽव॑ सृजा॒ ररा॑णः ।
त्मना॑ दे॒वेभ्यो॑ अ॒ग्निर्ह॒व्यं श॑मि॒ता स्व॑दयतु ॥११॥

Vanaspateva srija raranah
Tmana devebhyo agnirhavyam shamita svadayatu

27.12

अग्ने॒ स्वाहा॑ कृणुहि जातवेदः ।
इन्द्रा॑य य॒ज्ञं विश्वे॑ दे॒वा ह॒विरि॒दं जु॑षन्ताम् ॥१२॥

Agne svaha krinuhi jatavedah
Indraya yagyam vishve deva haviridam jushantam