Sukta 85

85.1

मा चि॑द॒न्यद् वि शं॑सत॒ सखा॑यो॒ मा रि॑षण्यत ।
इन्द्र॒मित् स्तो॑ता॒ वृष॑णं॒ सचा॑ सु॒ते मुहु॑रु॒क्था च॑ शंसत ॥१॥

Ma chidanyad vi shansata sakhayo ma rishanyata
Indramit stota vrishanam sacha sute muhuruktha cha shansata

अ॒व॒क्र॒क्षिणं॑ वृष॒भं य॑था॒जुरं॒ गां न च॑र्षणी॒सह॑म्।
वि॒द्वेष॑णं सं॒वन॑नोभयंक॒रं मंहि॑ष्ठमुभया॒विन॑म् ॥२॥

Avakrakshinam vrishabham yathajuram gam na charshanisaham
Vidveshanam sanvananobhayankaram manhishthamubhayavinam

यच्चि॒द्धि त्वा॒ जना॑ इ॒मे नाना॒ हव॑न्त ऊ॒तये॑ ।
अ॒स्माकं॒ ब्रह्मे॒दमि॑न्द्र भूतु॒ तेहा॒ विश्वा॑ च॒ वर्ध॑नम् ॥३॥

Yachchiddhi tva jana ime nana havanta utaye
Asmakam brahmedamindra bhutu teha vishva cha vardhanam

वि त॑र्तूर्यन्ते मघवन् विप॒श्चितो॒ऽर्यो विपो॒ जना॑नाम्।
उप॑ क्रमस्व पुरु॒रूप॒मा भ॑र॒ वाजं॒ नेदि॑ष्ठमू॒तये॑ ॥४॥

Vi tarturyante maghavan vipashchitoryo vipo jananam
Upa kramasva pururupama bhara vajam nedishthamutaye