UtshovSukta 75
75.1
वि त्वा॑ ततस्रे मिथु॒ना अ॑व॒स्यवो॑ व्र॒जस्य॑ सा॒ता गव्य॑स्य निः॒सृजः॒ सक्ष॑न्त इन्द्र निः॒सृजः॑ ।
यद् ग॒व्यन्त॒ द्वा जना॒ स्व॑१र्यन्ता॑ स॒मूह॑सि ।
आ॒विष्करि॑क्र॒द् वृषणं सचा॒भुवं॒ वज्र॑मिन्द्र सचा॒भुव॑म् ॥१॥
Vi tva tatasre mithuna avasyavo vrajasya sata gavyasya nihsrijah sakshanta indra nihsrijah
Yad gavyanta dva jana sva1ryanta samuhasi
Avishkarikrad vrishanam sachabhuvam vajramindra sachabhuvam
75.2
वि॒दुष्टे॑ अ॒स्य वी॒र्यऽस्य पू॒रवः॒ पुरो॒ यदि॑न्द्र॒ शार॑दीर॒वाति॑रः सासहा॒नो अ॒वाति॑रः ।
शास॒स्तमि॑न्द्र॒ मर्त्य॒मय॑जुं शवसस्पते ।
म॒हीम॑मुष्णाः पृथि॒वीमि॒मा अ॒पो म॑न्दसा॒न इ॒मा अ॒पः ॥२॥
Vidushte asya viryasya puravah puro yadindra sharadiravatirah sasahano avatirah
Shasastamindra martyamayajum shavasaspate
Mahimamushnah prithivimima apo mandasana ima apah
75.3
आदित् ते॑ अ॒स्य वी॒र्यऽस्य चर्किर॒न् मदे॑षु वृषन्नु॒शिजो॒ यदावि॑थ सखीय॒तो यदावि॑थ ।
च॒कर्थ॑ का॒रमे॑भ्यः॒ पृत॑नासु॒ प्रव॑न्तवे ।
ते अ॒न्याम॑न्यां न॒द्यं सनिष्णत श्रव॒स्यन्तः॑ सनिष्णत ॥३॥
Adit te asya viryasya charkiran madeshu vrishannushijo yadavitha sakhiyato yadavitha
Chakartha karamebhyah pritanasu pravantave
Te anyamanyam nadyam sanishnata shravasyantah sanishnata