Sukta 51

51.1

अ॒भि प्र वः॑ सु॒राध॑स॒मिन्द्र॑मर्च॒ यथा॑ वि॒दे।
यो ज॑रि॒तृभ्यो॑ म॒घवा॑ पुरू॒वसुः॑ स॒हस्रे॑णेव॒ शिक्ष॑ति ॥१॥

Abhi pra vah suradhasamindramarcha yatha vide
Yo jaritribhyo maghava puruvasuh sahasreneva shikshati

श॒तानी॑केव॒ प्र जि॑गाति धृष्णु॒या हन्ति॑ वृ॒त्राणि॑ दा॒शुषे॑ ।
गि॒रेरि॑व॒ प्र रसा॑ अस्य पिन्विरे॒ दत्रा॑णि पुरु॒भोज॑सः ॥२॥

Shatanikeva pra jigati dhrishnuya hanti vritrani dashushe
Gireriva pra rasa asya pinvire datrani purubhojasah

प्र सु श्रु॒तं सु॒राध॑स॒मर्चा॑ श॒क्रम॒भिष्ट॑ये ।
यः सु॑न्व॒ते स्तु॑व॒ते काम्यं॒ वसु॑ स॒हस्रे॑णेव॒ मंह॑ते ॥३॥

Pra su shrutam suradhasamarcha shakramabhishtaye
Yah sunvate stuvate kamyam vasu sahasreneva manhate

श॒तानी॑का हे॒तयो॑ अस्य दु॒ष्टरा॒ इन्द्र॑स्य स॒मिषो॑ म॒हीः ।
गि॒रिर्न भु॒ज्मा म॒घव॑त्सु पिन्वते॒ यदीं॑ सु॒ता अम॑न्दिषुः ॥४॥

Shatanika hetayo asya dushtara indrasya samisho mahih
Girirna bhujma maghavatsu pinvate yadim suta amandishuh