UtshovSukta 49
49.1
यच्छ॒क्रा वाच॒मारु॑हन्न॒न्तरि॑क्षं सिषासथः । सं दे॒वा अ॑मद॒न् वृषा॑ ॥१॥
Yachchhakra vachamaruhannantariksham sishasathah, sam deva amadan vrisha
49.2
श॒क्रो वाच॒मधृ॑ष्टा॒योरु॑वाचो॒ अधृ॑ष्णुहि । मं॑हिष्ठ॒ आ म॑द॒र्दिवि॑ ॥२॥
Shakro vachamadhrishtayoruvacho adhrishnuhi, manhishtha a madardivi
49.3
श॒क्रो वाच॒मधृ॑ष्णुहि॒ धाम॑धर्म॒न् विरा॑जति । विम॑दन् ब॒र्हिरा॒सर॑न् ॥३॥
Shakro vachamadhrishnuhi dhamadharman virajati, vimadan barhirasaran
49.4
तं वो॑ द॒स्ममृ॑ती॒षहं॒ वसो॑र्मन्दा॒नमन्ध॑सः ।
अ॒भि व॒त्सं न स्वस॑रेषु धे॒नव॒ इन्द्रं॑ गी॒र्भिर्न॑वामहे ॥४॥
Tam vo dasmamritishaham vasormandanamandhasah
Abhi vatsam na svasareshu dhenava indram girbhirnavamahe
49.5
द्यु॒क्षं सु॒दानुं॒ तवि॑षीभि॒रावृ॑तं गि॒रिं न पु॑रु॒भोज॑सम्।
क्षु॒मन्तं॒ वाजं॑ श॒तिनं॑ सह॒स्रिणं॑ म॒क्षू गोम॑न्तमीमहे ॥५॥
Dyuksham sudanum tavishibhiravritam girim na purubhojasam
Kshumantam vajam shatinam sahasrinam makshu gomantamimahe
49.6
तत् त्वा॑ यामि सु॒वीर्यं॒ तद् ब्रह्म॑ पू॒र्वचि॑त्तये ।
येना॒ यति॑भ्यो॒ भृग॑वे॒ धने॑ हि॒ते येन॒ प्रस्क॑ण्व॒मावि॑थ ॥६॥
Tat tva yami suviryam tad brahma purvachittaye
Yena yatibhyo bhrigave dhane hite yena praskanvamavitha
49.7
येना॑ समु॒द्रमसृ॑जो म॒हीर॒पस्तदि॑न्द्र॒ वृष्णि॑ ते॒ शवः॑ ।
स॒द्यः सो अ॑स्य महि॒मा न सं॒नशे॒ यं क्षो॒णीर॑नुचक्र॒दे ॥७॥
Yena samudramasrijo mahirapastadindra vrishni te shavah
Sadyah so asya mahima na sannashe yam kshoniranuchakrade