Sukta 64

64.1

Dirghayutvam, 1-4 brahma, agnih, anushtup

अग्ने॑ स॒मिध॒माहा॑र्षं बृह॒ते जा॒तवे॑दसे ।
स मे॑ श्र॒द्धां च॑ मे॒धां च॑ जा॒तवे॑दाः॒ प्र य॑च्छतु ॥१॥

Agne samidhamaharsham brihate jatavedase
Sa me shraddham cha medham cha jatavedah pra yachchhatu

64.2

इ॒ध्मेन॑ त्वा जातवेदः स॒मिधा॑ वर्धयामसि ।
तथा॒ त्वम॒स्मान् व॑र्धय प्र॒जया॑ च॒ धने॑न च ॥२॥

Idhmena tva jatavedah samidha vardhayamasi
Tatha tvamasman vardhaya prajaya cha dhanena cha

64.3

यद॑ग्ने॒ यानि॒ कानि॑ चि॒दा ते॒ दारू॑णि द॒ध्मसि॑ ।
सर्वं॒ तद॑स्तु मे शि॒वं तज्जु॑षस्व यविष्ठ्य ॥३॥

Yadagne yani kani chida te daruni dadhmasi
Sarvam tadastu me shivam tajjushasva yavishthya

64.4

ए॒तास्ते॑ अग्ने स॒मिध॒स्त्वमि॒द्धः स॒मिद् भव ।
आयु॑र॒स्मासु॑ धेह्यमृत॒त्वमा॑चा॒र्याय ॥४॥

Etaste agne samidhastvamiddhah samid bhava
Ayurasmasu dhehyamritatvamacharyaya