Sukta 20

20.1

Suraksha, 1-4 atharva, bahudaivatyam, 1 trishtup, 2 jagati, 3 purastadbrihati, 4 anushtugarbha

अप॒ न्यधुः॒ पौरु॑षेयं व॒धं यमि॑न्द्रा॒ग्नी धा॒ता स॑वि॒ता बृह॒स्पतिः॑ ।
सोमो॒ राजा॒ वरु॑णो अ॒श्विना॑ य॒मः पू॒षास्मान् परि॑ पातु मृ॒त्योः ॥१॥

Apa nyadhuh paurusheyam vadham yamindragni dhata savita brihaspatih
Somo raja varuno ashvina yamah pushasman pari patu mrityoh

20.2

या॑नि॑ च॒कार॒ भुव॑नस्य॒ यस्पतिः॑ प्र॒जाप॑तिर्मात॒रिश्वा॑ प्र॒जाभ्यः॑ ।
प्र॒दिशो॒ यानि॑ वस॒ते दिश॑श्च॒ तानि॑ मे॒ वर्मा॑णि बहु॒लानि॑ सन्तु ॥२॥

Yani chakara bhuvanasya yaspatih prajapatirmatarishva prajabhyah
Pradisho yani vasate dishashcha tani me varmani bahulani santu

20.3

यत् ते त॒नूष्वन॑ह्यन्त दे॒वा द्युरा॑जयो दे॒हिनः॑ ।
इन्द्रो॒ यच्चक्रे वर्म॒ तद॒स्मान् पा॑तु वि॒श्वतः॑ ॥३॥

Yat te tanushvanahyanta deva dyurajayo dehinah
Indro yachchakre varma tadasman patu vishvatah

20.4

वर्म॑ मे॒ द्यावा॑पृथि॒वी वर्माह॒र्वर्म॒ सूर्यः॑ ।
वर्म॑ मे॒ विश्वे॑ दे॒वाः क्र॒न् मा मा प्राप॑त् प्रतीचि॒का ॥४॥

Varma me dyavaprithivi varmaharvarma suryah
Varma me vishve devah kran ma ma prapat pratichika