Sukta 2

2.1

Rogopashamanam, atharva, parjanyah(1, 4 prithivi, 3 indrah, (chandramashcha)), anushtup, 3 tripada virannama gayatri

वि॒द्मा श॒रस्य॑ पि॒तरं॑ प॒र्जन्यं॒ भू॑रिधायसम्।
वि॒द्मो ष्व॑स्य मा॒तरं॑ पृथि॒वीं भूरि॑वर्पसम् ॥१॥

Vidma sharasya pitaram parjanyam bhuridhayasam
Vidmo shvasya mataram prithivim bhurivarpasam

2.2

ज्याऽके॒ परि॑ णो न॒माश्मा॑नं त॒न्वं कृधि ।
वी॒डुर्वरी॒योऽरा॑ती॒रप॒ द्वेषां॒स्याऽकृ॑धि ॥२॥

Jyake pari no namashmanam tanvam kridhi
Vidurvariyoratirapa dveshansyakridhi

2.3

वृ॒क्षं यद्गावः॑ परिषस्वजा॒ना अ॑नुस्फु॒रं श॒रमर्च॑न्त्यृ॒भुम्।
शरु॑म॒स्मद्या॑वय दि॒द्युमि॑न्द्र ॥३॥

Vriksham yadgavah parishasvajana anusphuram sharamarchantyribhum
Sharumasmadyavaya didyumindra

2.4

यथा॒ द्यां च॑ पृथि॒वीं चा॒न्तस्तिष्ठ॑ति॒ तेज॑नम्।
ए॒वा रोगं॑ चास्रा॒वं चा॒न्तस्ति॑ष्ठतु॒ मुञ्ज॒ इत् ॥४॥

Yatha dyam cha prithivim chantastishthati tejanam
Eva rogam chasravam chantastishthatu munja it